Ég fór til Madrid um helgina
með 3 krökkum úr spænskutímunum og það var fáránlega gaman 
Það var ég, April, Nick og Austin.
Ótrúlega heitt, 36°C Við hittumst á
rútustöðinni í Burgos klukkan 4 og rútan okkar fór 4:30 og
var 2 og hálfann tíma á leiðinni, það var tekin góð Siesta á
meðan sumir horfðu á Bandaríska vestra mynd á spænsku!! 
Svo
tókum við Metro að hótelinu okkar sem var á ótrúlega góðum stað í
miðbænum. Við fórum uppá hótelherbergi og fengum okkur nokkra bjóra
áður en haldið var út á lífið. Við vorum að leita af diskóteki eða
bar til að fara á og þá kom einhver kall og fór að reyna við
April og hann reddaði okkur frítt inná Salsaklúbb og þar dönsuðum
við af okkur lappirnar. Aðallega April því kallinn vildi
alltaf dansa við hana, og ég og Austin vorum eins og algjör fífl
þarna að reyna að dansa
Svo á laugardeginum var sofið aðeins meira en
ætlunin var þannig að það var ekki mikið skoðað þann daginn,
vöknuðum um 12 leytið og fengum okkur að borða og fórum aftur að
sofa til 5...hehe!! Svo kíktum við aftur út á laugardagskvöldinu og
þar var annar gaur að reyna við April, hehe! Hann reddaði okkur
fari í samlokusjoppu því við vorum að deyja úr hungri!! April
reddar málunum 
Sunnudagurinn var mjög fínn, vöknuðum snemma og
ég og April fórum og kíktum á flóamarkað þar sem ég keypti buxur og
kjóla Strákarnir fóru á meðan á Prado safnið sem kom í ljós að
var frítt!! Heppnir!!
Síðan byrjar bíómyndin...við áttum rútu
klukkan 18 og við fengum okkur að borða klukkan 16, maturinn
var mjög lengi á leiðinni þannig að við þurftum að drífa okkur heim
á hótelið, vorum komin þangað um 17:30 og báðum kallinn í lobbyinu
að hringja á leigubíl, sem hann gerði en hann var svo lengi á
leiðinni að klukkan 17:40 hlupum við útá götu að ná í leigubíl þar.
Það tókst einhvernveginn (takk fyrir það Nick) og við báðum hann að
taka okkur á rútustöðina, HRATT.
Klukkan var 18:02 þegar hann kom fyrir utan
rútustöðina og ég henti í hann pening og við stukkum út, ég var með
flugfreyjutösku sem var alltaf að hvolfa og við hlupum og hlupum og
við rétt náðum og þá meina ég RÉTT NÁÐUM!! Rútan var lokuð og hann
var að fara að bakka út þegar við komum hlaupandi "Stop, stop" Sem
betur fer var þetta fínn bílstjóri og hann hló bara að okkur. Við
áttum miða aftast í rútunni þannig að við þurftum að labba framhjá
öllu "perdón, lo siento!!" Svo settumst við niður og horfðum á
hvort annað og bara sprungum úr hlátri...þetta var magnað og OMG
hvað ég var þreytt og sveitt!! haha!!!´
Svo í rútunni horfðum við á The Core á spænsku!
Algjör snilld
Þarna erum við öll á Salsaklúbbnum. Ég, Austin,
Nick og April.
Svo er mamma að koma til mín í heimsókn á
laugardaginn og verður í viku Það verður bara gaman að sýna
henni allt hérna!!
Jæja þetta er komið fínt!!
Kristín